Cultura

 Equipamentos culturais

Casa da cultura

(FOTO 1)

Enderezo Tallós, 28 (Praza dos Emigrantes). 15981, Dodro (A Coruña)
Teléfono 981 80 24 72
Correo electrónico cultura@dodro.gal
Horario Inverno - De luns a venres
Mañás: 10.00 - 15.00 h
Tardes: 15.30 - 19.00 h
Horario Verán (xullo-agosto) - De luns a venres
Mañás: 10.00 - 16.00 h

Servizos

Biblioteca pública municipal

(FOTO 2)

Enderezo Casa da Cultura de Dodro. Tallós, 28 (Praza dos Emigrantes). 15981, Dodro (A Coruña)
Teléfono 981 80 24 72
Correo electrónico biblioteca@dodro.gal
Horario Inverno - De luns a venres
Mañás: 10.00 - 15.00 h
Tardes: 15.30 - 19.00 h
Horario Verán (xullo-agosto) - De luns a venres
Mañás: 10.00 - 16.00 h

Instalacións

A biblioteca localízase na Casa da Cultura de Dodro e as súas instalacións distribúense do seguinte xeito, na planta baixa atópase a oficina de atención ao público e a sala de lectura ou sala xeral. Na planta superior hai unha sala de estudo.

Fondos/ seccións/ coleccións

A Biblioteca dispón dunha ampla colección de documentos: libros, materiais audiovisuais, revistas e prensa. Estes fondos son de libre acceso e están situados dentro das distintas seccións nas que se divide a biblioteca:

  • Literatura
    Integrado por materiais de distintos xéneros (narrativa, teatro, poesía e ensaio) dirixido a distintos públicos (infancia, xuvenil, persoas adultas).
  • Comicteca
    Reúne cómics de todos os xéneros (aventuras, novela gráfica, humor, fantasía, ciencia ficción...) e para distintos segmentos de público. Ten unha presenza especial o cómic galego, aínda que tamén temos cómics americanos, españois, europeos, hispanoamericanos e manga.
  • Hemeroteca
    Nesta sección podemos atopar para consulta en sala, prensa local e rexional así como revistas especializadas en diversas temáticas.
  • Fondo Local
    Formado por distintos materiais (libros, revistas, audiovisuais...) que conteñen toda a información relativa a Dodro e a Comarca do Sar.
  • Fondo Accesible
    Nesta sección localízanse materiais de lectura adaptados para persoas con diversos tipos de discapacidade (visual, auditiva, cognitiva o motriz) ou dificultades de lectura.
  • Femiteca
    Formado por libros e materiais con perspectiva de xénero, feminismo e estudos sobre mulleres e diversidades.

Servizos

  • Servizo de préstamo.
    O servizo de préstamo que ofrece ao público a posibilidade de ler ou consultar, durante un tempo determinado e baixo unhas condicións específicas para cada tipo de material, os documentos “prestables” da biblioteca.
  • Servizo de consulta en sala
    Este servizo está especialmente dirixido á consulta dos documentos que non se prestan a domicilio (dicionarios, enciclopedias, anuarios, atlas e outros documentos de información xeral).
  • Galicia Le
    Servizo de préstamo temporal de obras (libros, revistas, audiolibros e películas) en formato dixital das bibliotecas públicas galegas.
  • Servizo de internet e ofimática (wifi)
    A biblioteca proporciona acceso gratuíto á Internet a través dos equipos informáticos dispoñibles na aula municipal de informática, anexa á sala de lectura, e mediante conexión WIFI, a cal permite usar libremente e de xeito privado as fontes e tecnoloxías da información.
  • Servizo de informacíón e referencia
    Este servizo ofrece información sobre a propia biblioteca e apoia as persoas usuarias na resolución das súas necesidades informativas específicas.
  • Reserva de instalacións
    A través deste servizo, a biblioteca pon a disposición da cidadanía as súas instalacións coa finalidade de propiciar o intercambio e a difusión cultural e a integración social, converténdose así nun espazo de participación e encontro dos membros da comunidade.
  • Buzón de devolución exterior (proximamente)
    Servizo que permite ás persoas usuarias da Biblioteca retornar os materiaiss prestados (libros, revistas ou outros documentos) as 24 horas do día, os 7 días da semana, sen depender do horario de apertura da instalación.

Actividades

  • Clubs de Lectura
  • Animación á lectura
  • Promoción da Lingua
  • Presentacións literarias
  • Mostras bibliográficas e exposicións monográficas (novidades editoriais, autores/as destacados/as, efemérides...)
  • Celebración de efemérides literarias (Día do Libro, Día das Bibliotecas, Día das Letras Galegas...)
  • Actividades formativas ou culturais
  • Proxeccións de audiovisuais

Aula municipal de informática

(FOTO 3)

Enderezo Casa da Cultura de Dodro. Tallós, 28 (Praza dos Emigrantes). 15981, Dodro (A Coruña)
Teléfono 981 80 24 72
Horario Inverno - De luns a venres
Mañás: 10.00 - 15.00 h
Tardes: 15.30 - 19.00 h
Horario Verán (xullo-agosto) - De luns a venres
Mañás: 10.00 - 16.00 h

A Aula Municipal de Informática localízase na Casa da Cultura de Dodro, nunha aula anexa á sala de lectura da Biblioteca Pública Municipal, está dotada con seis equipos informáticos e dispón de conexión a internet e unha impresora.

Servizos

  • Cursos de albetización dixital, ofimática e novas tecnoloxías
  • Formación para a inserción laboral
  • Aula aberta ou acceso libre á cidadanía para consulta e xestións de trámites electrónicos

Locais Socioculturais de titularidade Municipal

Equipamentos de uso comunitario e titularidade municipal, onde se organizan actividades dirixidas ao fomento da convivencia e participación veciñal a través de actividades culturais, formativas, de ocio e de lecer e de promoción da sáude e benestar.

1. Escola Avelino Abuín de Tembra

(FOTO 4)

Enderezo Escola Avelino Abuín de Tembra (Antiga Escola de Imo), Imo, 15982, Dodro (A Coruña)
Información sobre solicitude de préstamo e uso das instalacións 981 80 24 72

Instalacións

O local ten dúas plantas comunicado por unhas escaleiras interiores. Na planta baixa localízase unha aula de formación que, ademais, acolle a Biblioteca Abuín de Tembra na que entre outros fondos bibliográficos podemos atopar unha colección de publicacións e escritos do intelectual e activista cultural nado en Imo (Dodro). Na planta superior hai outras dúas aulas, unha delas dotada con cociña. A Escola conta con baños e aseos para as/os usuarias/os nos dous pisos.

Actividades

  • Actividades formativas e culturais
  • Actividades de ocio, saúde e benestar
  • Reunións veciñais

2. Local Social de Teaio (antiga escola)

(FOTO 5)

Enderezo Antiga Escola de Teaio, Teaio, 15982, Dodro (A Coruña)
Información sobre solicitude de préstamo e uso das instalacións 981 80 24 72

Instalacións

Na planta baixa da Antiga Escola de Teaio localízase unha aula de formación e uns aseos, instalacións que se utilizan para o desenvolvemento de diversas actuacións comunitarias.

Actividades

  • Actividades formativas e culturais
  • Actividades de ocio, saúde e benestar
  • Reunións veciñais

3. Local social de Traxeito (antiga escola)

(FOTO 6)

Enderezo Antiga Escola de Traxeito, Traxeito, 15981, Dodro (A Coruña)
Información sobre solicitude de préstamo e uso das instalacións 981 80 24 72

Instalacións

A planta baixa da Antiga Escola de Traxeito dispón dunha aula de formación e duns aseos, dependencias que se empregan para o desenvolvemento de diversas actuacións comunitarias.

Actividades

  • Actividades formativas e culturais
  • Actividades de ocio, saúde e benestar
  • Reunións veciñais

4. Local social de Bexo

(FOTO 7)

Enderezo Local Social de Bexo, Bexo, 15982, Dodro (A Coruña)
Información sobre solicitude de préstamo e uso das instalacións 981 80 24 72

Instalacións

O local social de Bexo atópase anexo á actual Escola Unitaria desta poboación. As súas instalacións dispoñen de un aula e un aseo que se utilizan para diversas actividades comunitarias.

Actividades

  • Actividades formativas e culturais
  • Actividades de ocio, saúde e benestar
  • Reunións veciñais

5. Casa do campo da escola – Lestrobe (en proxecto)

(FOTO 8)

Enderezo Casa do Campo da Escola, Lestrobe, 15916, Dodro (A Coruña)
Información sobre solicitude de préstamo e uso das instalacións 981 80 24 72

Neste local están proxectadas unha serie de obras encamiñadas á posta en marcha dun local sociocomunitario na aldea de Lestrobe, que dote á veciñanza dun espazo ou lugar no que acoller distintas actividades comunitarias.

6. Centro de artes escénicas de Dodro (proximamente)

(FOTO 9)

Equipamento cultural acondicionado para a celebración da eventos artísticos como espectáculos nusicais, teatrais, conferencias, exposicións ou proxeccións cinematográficas. Dispón de dúas plantas e ten un aforo ou capacidade para un público de ata 70 persoas.

Enderezo Centro de Artes Escénicas de Dodro, A Igrexa-Laíño, 15981, Dodro (A Coruña)
Información sobre solicitude de préstamo e uso das instalacións 981 80 24 72

Premio de poesía Eusebio Lorenzo Baleirón

(FOTO 10)

O Concello de Dodro crea o Premio de Poesía Eusebio Lorenzo Baleirón no ano 1988, a petición do escritor Avelino Abuín de Tembra, co obxectivo de “honrar a memoria do poeta Eusebio Lorenzo Baleirón, natural deste municipio e prematuramente desaparecido, e para contribuír á reafirmación da lírica galega tan importante na historia cultural de Galicia”. Incialmente está dotado cunha modesta cantidade económica, en concreto, 125.000 pesetas, e a figura dun boi de cerámica de Sargadelos.

Na actualidade, logo de trinta e nove convocatorias sucesivas, este certame converteuse nun dos referentes da creación poética galega e constitúe un dos máis antigos da nosa lingua. A súa dotación económica é de 2.500 € e o Concello de Dodro publica, ademais, o libro de poemas galardoado, o que supón para os/as gañadores/as o recoñecemento público, por esta razón, convocatoria tras convocatoria, reúne tanto a autores/as xa consagrados/as na historia recente da Literatura Galega como a novos valores emerxentes. A nómina de poetas distinguidos ao longo da súa traxectoria é a seguinte:

Edición Ano Obra Autor/a
I 1988 O matiz esmeralda na sombra Xosé Manuel López “Ardeiro”
II 1989 Fábrica íntima Gonzalo Navaza
III 1990 Alba no muro Xavier Rodríguez Barrio
IV 1991 Nas hedras da clepsidra Helena Villar Janeiro
V 1992 Asoladamente o teu nome Palmira G. Boullosa
VI 1993 Fruto do teixo Xabier Cordal Fustes
VII 1994 Palabras no espello Xosé M. Millán Otero
VIII 1995 Amantes e viaxeiros Xosé Miranda
IX 1996 Dende unha nada núa Isidro Novo
X 1997 As entrañas horas Emma Couceiro
XI 1998 Teoría do lugar Estevo Creus
XII 1999 Grimorio Emma Pedreira
XIII 2000 Acaso o inverno Carlos Penela
XIV 2001 Tránsito da auga Xosé Lois Rúa
XV 2002 Caderno apócrifo da pequena defunta Eduardo Estévez
XVI 2003 Zoonose María Comesaña
XVII 2004 Azul e extranxeira Lupe Gómez
XVIII 2005 Fanerógama Mariña Pérez Rei
XIX 2006 Escoración dos días Rafa Villar
XX 2007 Código poético María Neves Soutelo
XXI 2008 Cando menos, a derrota Xabier Xil Xardón
XXII 2009 Conservas Xosé Daniel Costas Currás
XXIII 2010 Fedor Luís Valle Regueiro
XXIV 2011 Con gume de folla húmida Isaac Xubín
XXV 2012 Viaxe ao interior da fenda Serxio Iglesias
XXVI 2013 As paisaxes eléctricas Cristina Ferreiro Real
XXVII 2014 Zonas de Tránsito Ramon Neto
XXVIII 2015 Fornelos & Fornelos, segunda fundación Xerardo Quintiá
XXIX 2016 Se pedra na brétema Ramón Blanco Fernández
XXX 2017 O lugar que non hai Estevo Creus Andrade
XXXI 2018 Ese tépedo vento que pasa sobre o mundo Carlos Penela
XXXII 2019 Voz do arqueiro Antón Blanco Casás
XXXIII 2020 Urda Francisco Valeiras González
XXXIV 2021 Clepsidras Inma López Silva
XXXV 2022 Neve Brenda Mondelo
XXXVI 2023 Palabras do sur Manuel López Rodríguez
XXXVII 2024 Himno nacional Miguel Cavadas
XXXVIII 2025 Upupú Inés Mosquera Calvo

Eusebio Lorenzo Baleirón é un referente da creación poética galega tanto para autores/as consagrados/as como para os novos valores. Como tamén o é o premio que leva o seu nome, un dos máis antigos de Galicia, e que trinta e nove anos despois da súa creación segue servindo de estímulo á produción lírica na nosa lingua.

Para o Concello de Dodro é un orgullo desfrutar ao poeta como embaixador cultural e que el e a súa escrita sexan motivo de coñecemento do seu territorio, da súa comunidade, do seu patrimonio e identidade.

Persoeiros

(VER A SEGUINTE FONTE: https://2020.terrasdeiria.com/dodro.html )

Eusebio Lorenzo Baleirón

(FOTO 11)

Eusebio Lorenzo Baleirón naceu o 25 de xaneiro de 1962, en Tarrío (Dodro). Fórmase na escola unitaria de Chenlo. Entre 1976 e 1980 cursa bacharelato en Padrón, onde animado polo o seu profesor, o escritor Bernardino Graña, escribe as súas primeiras narracións e poemas e gaña varios concursos literarios.

No ano 1980 comeza a estudar Filoloxía Galega-Portuguesa na Universidade de Santiago de Compostela. Alí crea amizade cun grupo de poetas xóvenes coma él: Paulino Vázquez, David Pérez Iglesias e Manuel Forcadela xunto con Román Raña ou Chema Bouzón, cos que creará a Xeración Poética dos Oitenta. Logo, no ano 1984, grazas a unha bolsa de estudos, fórmase en Lisboa, onde coñece ó poeta Antonio Ramos Rosa, sobre quen valora a posibilidade de elaborar a súa tese. O ano seguinte licénciase e exerce a docencia no Carballiño.

No ano 1986 detéctaselle unha doenza incurable, aínda así, aproba a oposición como mestre de Lingua e Literatura Galega e incorpórase ao instituto de Boiro, onde apenas pode exercer o seu labor. Falece en Laíño na madrugada do 14 de decembro de 1986, aos 24 anos de idade.

A traxectoria literaria de Eusebio Lorenzo Baleirón foi vertixinosa debido a súa morte prematura pero a memoria do autor segue viva grazas aos seus escritos. Dos seus fitos literarios destacan os seguintes:

Ano Fitos
1981 Escribe o seu primeiro libro de poemas Libro dos días e das noites
1982 Publica algunhas das súas composicións en Dorna, revista de expresión poética galega
Queda finalista do Premio Esquío de poesía con “Herdanza da néboa”
1983 Gaña o Concurso de poesía O Facho cun poema dedicado a Álvaro Cunqueiro
Publica poemas nas revistas literarias Dorna, Grial e Prisma Cabral (pertencente á Universidade de Maryland, USA)
Participa no disco en formato LP Rosalía na voz dos poetas xunto a Ramiro Fonte, Avilés de Taramancos...
Resulta finalista do Premio Esquío de poesía con Tránsito dos días
1984 Acada o segundo premio no Celso Emilio Ferreiro do Concello de Vigo co libro Os días olvidados
Gaña o certame Celso Emilio Ferreiro do Concello de Santiago co poemario Os ollos no camiño
Resulta finalista do Premio Esquío de poesía con O corpo e as sombras
1985 Publica novos poemas e artigos de crítica literaria en diferentes números da revista Grial
Presenta o libro O ano da morte de Ricardo Reis
Publica as obras Os días olvidados e O corpo e as sombras
Resulta finalista do Premio Esquío de poesía con Gramática do silencio
1986 Colabora no libro de texto Galego /(Ed. Vía Lactea)
Publica O libro das viaxes e dos soños (Ed. Vía Láctea), prosa poética de lectura obrigada en centros escolares
Empeza a traballar no seu derradeiro libro A morte presentida a partir do poemario Gramática do silencio
Resulta finalista do Premio Esquío de poesía con A morte presentida
1987 Publícase en Grial un artigo seu sobre Herba de aquí e de acolá de Cunqueiro
Aparecen artigos sobre súa obra así como poemas seus en diferentes xornais e revistas: Nó, A Nosa Terra, La Voz de Galicia, El Correo Gallego...
Os seus compañeiros da revista Dorna dedícanlle en homenaxeo número 12 da publicación na que aparecen algúns poemas inéditos
1988 Publícase de xeito póstumo A morte presentida
1996 No décimo aniversario da súa morte edítase Gramática do silencio. Obra poética, volume -con debuxos de Ramos Rosa- no que se recolle ademáis da obra publicada anteriormente, todos os seus poemas dispersos e inéditos, na parte titulada Poesía reunida (1981-1986)
2000 Sae á luz Antología Poética (Espiral Maior 2000) unha selección da súa obra na versión bilingüe galego-español
2007 Gramática do silencio, publícase en Rinoceronte Editora coa tradución ao español de Moisés Barcia e Penélope Pedreira
2017 Foi proposto como candidato á figura homenaxeada no Día das Letras Galegas 2018

 

Mocidade

Equipamento Oficina de Información Xuvenil (OMIX)

(FOTO 12)

Enderezo Casa da Cultura de Dodro. Tallós, 28 (Praza dos Emigrantes). 15981, Dodro (A Coruña)
Teléfono 981 80 24 72
Horario Inverno - De luns a venres
Mañás: 10.00 - 15.00 h
Tardes: 15.30 - 19.00 h
Horario Verán (xullo-agosto) - De luns a venres
Mañás: 10.00 - 16.00 h

A OMIX de Dodro localízase na planta baixa da Casa da Cultura, na oficina de atención ao público

Servizos

  • Información sobre temáticas de interese para a mocidade (formación, actividades, bolsas e axudas, emprego, voluntariado, carnés…)

 

Patrimonio

(VER A SEGUINTE FONTE: https://2020.terrasdeiria.com/dodro.html )